Екібастұз қаласы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімінің «Горводоканал» мемлекеттік коммуналдық кәсіпорны (бұдан әрі-кәсіпорын) шаруашылық жүргізу құқығындағы мемлекеттік кәсіпорынның ұйымдық-құқықтық нысанындағы заңды тұлға болып табылады. Кәсіпорын Екібастұз қаласы әкімдігінің 2008 жылғы шілдедегі қаулысына сәйкес құрылды.
Кәсіпорынның негізгі қызметі: тарату желілері арқылы су беру, сарқынды суларды бұру және жылу энергиясымен қамтамасыз ету.
Кәсіпорын Екібастұз қаласында төмендегілердің тәулік бойы үздіксіз жұмыс істеуін қамтамасыз етеді:
жобалық қуаттылығы 130 мың м3/ тәул. су жинау имараттары, жобалық қуаты 100 мың м3/ тәул. су құбырын тазарту имараттары, орталық жылу пункттері 29 бірл., ұзындығы 535,4 км сумен жабдықтау желілері, ұзындығы 312,7 км су бұру желілері, кәріздік сорғы станциялары 9 бірл., кәріздік тазарту имараттары, жобалық қуаты 58,2 мың м3/ тәул..
Солнечный кентінде: «Струя» су дайындау қондырғысы, жобалық қуаты 6 мың м3/ тәул., кәріздік сорғы станциялары 2 бірл., орталық жылу пункті 1 бірл.,ұзындығы 13, 7 км сумен жабдықтау желілері,ұзындығы 8, 6 км су бұру желілері,ұзындығы 15,4 км жылумен жабдықтау желілері.
2023 жылы су құбыры желілеріне күрделі жөндеу жүргізілді,барлығы-7,404 км, оның ішінде жоспарлы күрделі жөндеу– 1,234 км және жоспардан тыс күрделі жөндеу -6,170 км.
Инвестициялық бағдарламаны іске асыруға 2023 жылы жоспар бойынша 715,449 млн.теңге(ҚҚС-сыз) кезінде 632,181 млн. теңге сомасына (ҚҚС-сыз) меншікті қаражат бағытталды.Табиғи монополия субъектісіне тәуелді емес себептер бойынша іске асыру көлемінің төмендеуіне байланысты кәсіпорын 224,8 млн. теңге сомасында табыс түсірмеді,бұл инвестициялық бағдарламаның тұтастай орындалуына әсер етті.
Инвестициялық бағдарламаның іс-шараларын іске асыру кәсіпорынның қызметіне оң әсерін тигізді. Су құбырларын, орамішілік суық және ыстық сумен жабдықтау желілерін күрделі жөндеу, толық трансформаторлық қосалқы станцияны, вакуумдық ажыратқыштарды орнату материалдық шығындар мен апаттық-қалпына келтіру жұмыстарын орындауға кететін уақыт шығындарының айтарлықтай төмендеуіне әкелді, қызмет көрсету сапасын арттырды және СаНЕр талаптарының сақталуын қамтамасыз етті, бұл сайып келгенде тұтынушылардың әлеуметтік-тұрмыстық жағдайларын жақсартты.
Кәсіпорын қызметінің тұтынушылары: халық, шағын және орта бизнес кәсіпорындары, Екібастұз қаласының және Солнечный кентінің өнеркәсіптік кәсіпорындары болып табылады.
2023 жылы сумен жабдықтау қызметі тұтынушыларға–15,274 млн.м3, су бұру қызметі -6,606 млн. м3, жылумен жабдықтау қызметі (Солнечный кенті) -0,032 млн. Гкал көлемінде жүзеге асырылды.

Кәсіпорын 2023 жылға бекітілген тарифтік сметаларды орындады. Шығындардың кейбір баптары бойынша рұқсат етілген шектер шеңберінде үнемдеу қалыптасты.
Жалпы кәсіпорын бойынша 2023 жылғы кірістер 4 345,6 млн.теңгені, шығындар -4 343,7 млн. теңгені құрады. Қызмет нәтижесінде пайда-1,9 млн. теңге.
2024 жылға кәсіпорын өз қаражаты есебінен орындалатын күрделі жөндеу жоспарын бекітті:
1. Екібастұз қ. су құбыры желілері - ұзындығы 3,248 км.
2. Екібастұз қ. кәріздік желілері - ұзындығы 0,480 км.
Кәсіпорынның өндірістік қызметі көрсетілетін қызметтердің сапасын жақсартуға, кәсіпорын жұмысының сенімділігі мен тиімділігін арттыруға, су шығынын азайтуға және желілердегі апаттық жағдайларға жол бермеуге бағытталған. Кәсіпорынның тұрақты жұмысын қамтамасыз ету, бірінші кезектегі міндеттерді жедел орындау үшін тәулік бойы диспетчерлік қызмет жұмыс істейді.
Қызметтерге тапсырыс берушілер алдындағы барлық міндеттемелер толық көлемде орындалады. Кәсіпорынның еңбекақы, зейнетақы аударымдары бойынша берешегі жоқ. Мемлекет алдындағы салық міндеттемелері уақтылы орындалады.

Табиғи монополия субъектісінің 2023 жылғы инвестициялық бағдарламаның (жобаның) орындалуы туралы ақпараты.