Екібастұз қаласы әкімдігі тұрғын үй-коммуналдық шаруашылығы, жолаушылар көлігі және автомобиль жолдары бөлімінің «Горводоканал» мемлекеттік коммуналдық кәсіпорны (бұдан әрі-кәсіпорын) шаруашылық жүргізу құқығындағы мемлекеттік кәсіпорынның ұйымдық-құқықтық нысанындағы заңды тұлға болып табылады. Кәсіпорын Екібастұз қаласы әкімдігінің 2008 жылғы шілдедегі қаулысына сәйкес құрылды.
Кәсіпорын қызметінің негізгі түрлері: суды тарату желілері арқылы беру, сарқынды суларды бұру және жылу энергиясымен жабдықтау болып табылады.
Кәсіпорын Екібастұз қаласында тәулік бойы үздіксіз жұмыс істеуін қамтамасыз етеді:
жобалық қуаты тәулігіне 130 мың м3 су тарту имараттары, жобалық қуаты тәулігіне 100 мың м3 су құбыры тазарту имараттары, орталық жылу пункттері 29 бірл., ұзындығы 535,4 км сумен жабдықтау желілері, ұзындығы 312,7 км су бұру желілері, кәріздік сорғы станциялары 9 бірл., жобалық қуаты тәулігіне 58,2 мың м3 кәріздік тазарту имараттары жатады.
Солнечный кентінде: жобалық қуаты тәулігіне 6 мың м3 «Струя» су дайындау қондырғысы, кәріздік сорғы станциялары 2 бірл., орталық жылу пункті 1 бірл., сумен жабдықтау желілері 13,7 км., су бұру желілері 8,6 км., жылумен жабдықтау желілері 14,7 км.
Жылу беру маусымына дайындық шеңберінде 2022 жылдың 1-ші жартыжылдығында өндірістік іс-шаралар орындалды: су құбыры желілерін күрделі және ағымдағы жөндеу-1,8 км, күрделі жөндеу жүргізілгеннен кейін аумақтарды жоспарлау және абаттандыру-2,0 мың м2, құбырлардың жылу оқшаулауын қалпына келтіру-5,3 км., сорғыларды ағымдағы жөндеу, ысырмаларды тексеру және жөндеу – 230 бірлік. Инвестициялық бағдарламаның іс-шараларын іске асыруға 2021 жылдың 1-ші жартыжылдығында 46,8 млн.теңге (ҚҚС-сыз) бағытталды.
Кәсіпорын қызметінің тұтынушылары: халық, шағын және орта бизнес кәсіпорындары, Екібастұз қаласының және Солнечный кентінің өнеркәсіптік кәсіпорындары болып табылады. 2021 жылдың 1-ші жартыжылдығында сумен жабдықтау қызметтерін тұтынушыларға көлемі 5,9 млн.м3, су бұру-2,8 млн.м3, жылумен жабдықтау (Солнечный кенті) -0,02 млн. Гкал.
Кәсіпорынның 2022 жылдың 1 жартыжылдығындағы табысы - 1 570,9 млн. теңге, шығындары-1 570,2 млн. теңге. Қызмет нәтижелері бойынша - 0,7 млн.теңге пайда алынды.
Кәсіпорынның өндірістік қызметі көрсетілетін қызметтердің сапасын жақсартуға, кәсіпорын жұмысының сенімділігі мен тиімділігін арттыруға, су шығынын азайтуға және желілердегі келеңсіз жағдайларға жол бермеуге бағытталған. Кәсіпорынның тұрақты жұмысын қамтамасыз ету, бірінші кезектегі міндеттерді жедел шешу үшін тәулік бойы диспетчерлік қызмет жұмыс істейді.
Қызметтерге Тапсырыс берушілер алдындағы барлық міндеттемелер толық көлемде орындалады. Кәсіпорынның еңбекақы, зейнетақы аударымдары бойынша берешегі жоқ. Мемлекет алдындағы салық міндеттемелері уақтылы орындалады.

Табиғи монополия субъектісінің 2022 жылдың І жартыжылдығындағы инвестициялық бағдарламаны (жобаны) орындау туралы ақпараты