Екібастұз қаласы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімінің «Горводоканал» мемлекеттік коммуналдық кәсіпорны (бұдан әрі-кәсіпорын) шаруашылық жүргізу құқығындағы мемлекеттік кәсіпорынның ұйымдық-құқықтық нысанындағы заңды тұлға болып табылады.Кәсіпорын Екібастұз қаласы әкімдігінің 2008 жылғы шілдедегі қаулысына сәйкес құрылды.
Кәсіпорынның негізгі қызметі: тарату желілері арқылы су беру, ағынды суларды бұру және жылу энергиясымен жабдықтау.
Кәсіпорын Екібастұз қаласында келесі қызметтердің тәулік бойы үздіксіз жұмыс істеуін қамтамасыз етеді:
жобалық қуаты тәулігіне/130 мың м3 су жинау құрылыстары, жобалық қуаты тәулігіне/100 мың м3 су құбыры тазарту құрылыстары, орталық жылу пункттері 28 бірлік, ұзындығы 535,4 км сумен жабдықтау желілері, ұзындығы 312,7 км су бұру желілері, 9 бірлік кәріз сорғы станциялары, жобалық қуаты тәулігіне 58,2 мың м3 кәріз тазарту құрылыстары.
Солнечный кентінде: жобалық қуаты тәулігіне/6 мың м3 «Струя» су дайындау қондырғысы, 2 бірлік кәріз сорғы станциясы, 1 бірлік орталық жылу пункті, ұзындығы 13,7 км сумен жабдықтау желісі, ұзындығы 8,6 км су бұру желісі, ұзындығы 14,7 км жылумен жабдықтау желісі.
2021 жылы жылыту су құбыры желілерін күрделі жөндеу, жалпы – 6,881 км, оның ішінде жоспарлы күрделі жөндеу- 2,872км және жоспардан тыс күрделі жөндеу – 4,009 км.
Инвестициялық бағдарламаны іске асыруға 2021 жылы жоспар бойынша 339,9 млн.теңге (ҚҚС-сыз) болғанда 461,9 млн. теңге (ҚҚС-сыз) сомасына өз қаражаты бағытталды. Табиғи монополия субъектісіне тәуелсіз себептер бойынша көрсетілетін қызметтер көлемінің төмендеуіне байланысты кәсіпорын 146,1 млн.теңге сомасында табыс ала алмады, бұл тұтастай алғанда инвестициялық бағдарламаның орындалуына әсер етті.
Инвестициялық бағдарламаның іс-шараларын іске асыру кәсіпорынның қызметіне оң әсер етті. Суық және ыстық сумен жабдықтау желілерін күрделі жөндеу, трансформаторлық қосалқы станция жиынтығын, сорғы агрегаттарының орнату материалдық шығындар мен апаттық-қалпына келтіру жұмыстарын орындауға кететін уақыт шығындарының едәуір төмендеуіне алып келді, қызмет көрсету сапасын арттырды және СанЕжН талаптарының сақталуын қамтамасыз етті, нәтижесінде тұтынушылардың әлеуметтік-тұрмыстық жағдайларын жақсартты.
Кәсіпорынның қызметтерін тұтынушылар: халық, шағын және орта бизнес кәсіпорындары, Екібастұз қаласының және Солнечный кентінің өнеркәсіптік кәсіпорындары.
2021 жылы тұтынушыларға 15,0 млн.м3 көлемінде сумен жабдықтау, су бұру – 6,9 млн. м3, жылумен жабдықтау (Солнечный кенті) -0,035 млн. Гкал қызметтері іске асырылды.
Кәсіпорын 2021 жылға бекітілген тарифтік сметаларды орындады. Шығындардың кейбір баптары бойынша, энергетикалық аудит қорытындылары бойынша әзірленген энергия үнемдеу және энергия тиімділігін арттыру жөніндегі іс-шараларды жүргізуге байланысты рұқсат етілген шектердің шеңберінде үнемдеу қалыптасты.
Тұтастай алғанда, кәсіпорын бойынша 2021 жылы кіріс 3013,6 млн.теңгені, шығыс- 3012,0 млн. теңгені құрады. Қызмет нәтижесінде 1,6 млн. теңге пайда алынды.
2022 жылға кәсіпорын өндірістік іс-шараларды орындау аясында өз қаражаты есебінен орындалатын күрделі жөндеу жоспарын бекітті:
- Екібастұз қаласында ұзындығы 2,678 км су құбыры желілері;
- Екібастұз қаласында кәріз желілерінің ұзындығы 0,252 км.
Инвестициялық бағдарлама аясында «Горводоканал» МКК 2022 жылға Екібастұз қаласында 2,480 км су құбырларының күрделі жөндеу жұмыстарын 220,7 млн.тг (ҚҚС-сыз) жоспарлап отыр.
Кәсіпорынның өндірістік қызметі- көрсетілетін қызметтердің сапасын жақсартуға, кәсіпорынның сенімділігі мен тиімділігін арттыруға, су шығынын азайтуға және желілердегі апаттық жағдайларды болдырмауға бағытталған.Кәсіпорынның тұрақты жұмысын қамтамасыз ету, бірінші кезектегі міндеттерді жедел шешу үшін тәулік бойы диспетчерлік қызмет жұмыс істейді.
Қызметтерді тапсырыс берушілер алдында барлық міндеттемелер толық көлемде орындалады. Кәсіпорынның жалақы, зейнетақы аударымдары бойынша берешегі жоқ. Мемлекет алдындағы салық міндеттемелері уақтылы орындалады.

Финансовая отчетность за 2021 год.

2021 жылға арналған инвестициялық бағдарламаның орындалуы туралы есеп: