Екібастұз қаласы әкімдігінің тұрғын үй-коммуналдық шаруашылығы, жолаушылар көлігі және автомобиль жолдары бөлімінің «Горводоканал» мемлекеттік коммуналдық кәсіпорны (бұдан әрі-Кәсіпорын) шаруашылық жүргізу құқығындағы мемлекеттік кәсіпорынның ұйымдық-құқықтық нысанындағы заңды тұлға болып табылады. Кәсіпорын Екібастұз қаласы әкімдігінің 2008 жылғы шілдедегі қаулысына сәйкес құрылды.
Кәсіпорынның негізгі қызметі: тарату желілері арқылы су беру, сарқынды суларды бұру және жылу энергиясымен қамтамасыз ету.
Кәсіпорын Екібастұз қаласында тәулік бойы үздіксіз жұмыс істеуді қамтамасыз етеді:
жобалық қуаты тәулігіне 130 мың/м3, жобалық қуаты тәулігіне 100 мың/м3 су құбырын тазарту имараттары, орталық жылу пункттері 28 бірлік, ұзындығы 535,4 км сумен жабдықтау желілері,ұзындығы 312,7 км су бұру желілері, кәріздік сорғы станциялары 9 бірлік, кәріздік тазарту имараттары, жобалық қуаты 58,2 мың м3/тәулік.
Солнечный кентінде: «Струя» су дайындау қондырғысы, жобалық қуаты тәулігіне 6 мың/ м3, кәріздік сорғы станциялары 2 бірлік, орталық жылу пункті 1 бірлік, ұзындығы 13,7 км сумен жабдықтау желілері, ұзындығы 8,6 км су бұру желілері, ұзындығы 15,4 км жылумен жабдықтау желілері.
2022 жылы су құбыры желілеріне күрделі жөндеу жүргізілді, барлығы-4,306 км., оның ішінде жоспарлы күрделі жөндеу– 1,627 км және жоспардан тыс күрделі жөндеу -2,679 км.
Инвестициялық бағдарламаны іске асыруға 2022 жылы жоспар 413,8 млн.теңге (ҚҚС-сыз) сомасында 256,5 млн. теңге (ҚҚС-сыз) сомасына өз қаражаты жұмсалды.Табиғи монополия субъектісіне тәуелді емес себептер бойынша іске асыру көлемінің төмендеуіне байланысты кәсіпорын 178,1 млн.теңге сомасында табыс алмаған,бұл инвестициялық бағдарламаның тұтастай орындалуына әсер етті.
Инвестициялық бағдарламаның іс-шараларын іске асыру кәсіпорынның қызметіне оң әсерін тигізді. Су құбырларын, кварталішілік суық және ыстық сумен жабдықтау желілерін күрделі жөндеу, толық трансформаторлық қосалқы станцияны, вакуумдық ажыратқыштарды орнату материалдық шығындар мен апаттық-қалпына келтіру жұмыстарын орындауға кететін уақыт шығындарының айтарлықтай төмендеуіне әкелді, қызмет көрсету сапасын арттырды және СаНПин талаптарының сақталуын қамтамасыз етті, бұл сайып келгенде тұтынушылардың әлеуметтік-тұрмыстық жағдайларын жақсартты.
Кәсіпорын қызметінің Тұтынушылары: халық, шағын және орта бизнес кәсіпорындары, Екібастұз қаласының және Солнечный кентінің өнеркәсіптік кәсіпорындары болып табылады.
2022 жылы сумен жабдықтау қызметтерін тұтынушыларға–15,0 млн.м3,су бұру -6,6 млн. м3, жылумен жабдықтау (Солнечный кен.) -0,035 млн. Гкал көлемінде сатылды.
Кәсіпорын 2022 жылға бекітілген тарифтік сметаларды орындады. Шығындардың кейбір бөлімдері бойынша табиғи монополия субъектісіне тәуелді емес себептермен қызметтерді іске асыру көлемінің төмендеуіне байланысты рұқсат етілген шектер шеңберінде үнемдеу қалыптасты.
Жалпы кәсіпорын бойынша 2022 жыл 3315,9 млн. теңгені, шығыстар – 3314,1 млн. теңгені құрады. Қызметі нәтижесінде пайда-1,8 млн. теңге.
2023 жылға кәсіпорын өз қаражаты есебінен орындалатын күрделі жөндеу жоспарын бекітті:
1. Екібастұз қ. су құбыры желілері-ұзындығы 2,855 км.
2. Екібастұз қаласының кәріздік желілері-ұзындығы 0,192 км.
Кәсіпорынның өндірістік қызметі көрсетілетін қызметтердің сапасын жақсартуға, кәсіпорын жұмысының сенімділігі мен тиімділігін арттыруға, су шығынын азайтуға және желілердегі апаттық жағдайларға жол бермеуге бағытталған. Кәсіпорынның тұрақты жұмысын қамтамасыз ету, бірінші кезектегі міндеттерді жедел шешу үшін тәулік бойы диспетчерлік қызметі жұмыс істейді.
Қызметтерге тапсырыс берушілер алдындағы барлық міндеттемелер толық көлемде орындалады. Кәсіпорынның еңбекақы, зейнетақы аударымдары бойынша берешегі жоқ. Мемлекет алдындағы салық міндеттемелері уақтылы орындалады.


Қаржылық есептілік.
Қаржылық есептілікке түсіндірме жазба.

Отчет об исполнении инвестиционной программы за 2022 год:



Отчет об исполнении тарифных смет за 2022 год: